Conceyu Abiertu

Apoya la plataforma "Oru Non" y refuga'l proyeutu de mina en Salave

Dende Conceyu Abiertu queremos espresar nuesa más fonda repulsa, non yá al proyectu de la mina de Salave, si non a tol despotismu qu'espresen en cada unu de los comunicaos de prensa qu'unvia Ástur Gold nos que faen alusiones a la plataforma mayoritaria del pueblu tapiegu “Oru Non”.

La esplotación minera xenera residuos que'l so almacenamientu apuerta a  ser más peligrosu pa la población qu'una central nuclear, y non yá poles balses de cianuru, necesaries pa llevar a cabu la esplotación aurifera, si non, poles borrafes en suspensión qu'amenorgaren les poques esplotaciones lacteas que queden en Asturies, yá que va menguar la calidá del llechi, y polo tanto los ingresos a percibir polos yá, maltrechos ganaderos asturianos.

Por eso, dende Conceyu Abiertu queremos espresar el nuesu sofitu a la Plataforma “Oro Non”, puses ye la espresión mayoritaria d'un pueblu, y que nun se puede vender Asturies por unos ingresos que de manera incierta vaigan recayer sobre la economía nacional o llocal.

 
Conceyu Abiertu convoca pa esti xueves 8 setiembre una manifestación n'Uviéu pola soberanía y l'autodetermín con salida de la Estación del Norte a les 13:00 hores y baxo'l lema "Más Asturies, Menos España"

Nun contextu de recorte de drechos sociales y políticos nel Estáu español: reforma llaboral, reforma constitucional, reforma de la llei ellectoral,...y nun momentu onde'l rexonalismu asturianu gobierna'l 'Principado' col so "Más Asturias, mejor España", ye imprescindible la vindicación de la soberanía, l'autodetermín, el drechu a decidir, la democracia directa y participativa, más tovía'l 8 de setiembre, el "Día de la Nación Asturiana". MÁS ASTURIES, MÁS SOBERANÍA.

 "Nun queremos entrar n'agravios comparativos, nin negar la esistencia de dichu tanatoriu, siempres y cuando la demanda de los vecinos de Llugones sía real y correspondida con tala obra, pero queremos dexar claro que, como otres munches, les coses nun se faen asina. Nun puede ser qu'un conceyu que lo que ye güei s'enllena la boca cola participación ciudadana, faiga de menos la opinión de los munchos vecinos contrarios a esta forma d'execución del proyectu.

El prósimu día 8 de setiembre, Dia de la Nación Asturiana, Conceyu Abiertu cellebrará una manifestación n’Uviéu baxo’l lema 'Mas Asturies, menos España'.

El manifestamientu percorrerá les cais d’Uviéu de magar les 13:00h saliendo de la Estación del Norte y finando énte Presidencia de Gobiernu. Conceyu Abiertu anunciará nos prósimos dies otres actividaes vindicatives asociaes al 8 de setiembre y fae un llamáu a la sociedá asturiana en xeneral y les organizaciones sociales y polítiques comprometies con Asturies a movilizase esi día y a sofitar esta convocatoria.

Desiximos la posibilidá de llevar l' "AS" nes nueses matrícules en llugar de la "E".

Dende Conceyu Abiertu por Uviéu queremos amosar el nuesu refugu a l'actuación de la Policía Municipal nel casu del mozu asturianu multáu con 90 euros pol fechu de llevar na  so matrícula el símbolu identificativu "AS" en llugar de la "E"  qu'anguaño amosen tolos vehículos matriculaos nel estáu español. Consideramos que'l tapecimientu del símbolu que por defectu vien nes plaques identificatives nun supón una torga pa la llectura de la matrícula y, polo tanto, nun dificulta la so identificación.