Conceyu Abiertu

Conceyu Abiertu, dientru de la so dinámica de puxar pola participación popular, invita a tola ciudadanía a participar na Coordinadora Nacional convocada pal 19 de Xineru na sala d’aconceyamientos del antiguu depósitu d’agües de Noreña (Cai El Reloj) , de magar les 18:30 en primer convocatoria, y 19:00 en segunda.

La Xunta Xeneral respondió al escritu rexistráu por Conceyu Abiertu el llunes 24 d'Avientu, solicitando a los grupos parllamentarios la execución de les midíes llexislatives pertinentes que prohíban la práutica de la resquiebra hidráulica o fracking n'Asturies.

Conceyu Abiertu pide al PSOE que aplique n’Asturies, onde gobierna y tien capacidá pa facelo, lo qu’el so mesmu partíu defende ellí onde nun gobiernen.

Estos díes s'asoleyó una noticia bien preocupante, una más, en relación a otra empresa del conceyu. El Centru Integral pa la Seguridá Vial (CISVIAL) entró en concursu d'acreedores esti pasáu mes d'avientu de 2012 depués de llevar abiertu pocu más d'añu y mediu. Esti centru de seguridá vial, asitiáu cerca l'Altu Santu Miano foi un proyeutu empobináu por Fruela Autoescuelas y por SADIM (empresa satélite d'HUNOSA) que cuntó con una inversión inicial de 11 millones d'euros y con sovenciones importantes a cargu los fondos mineros.

En feches recientes el conceyu d’Uviéu retiró la estatua del Teniente Coronel Teijeiro, asitiada na “Plaza de la Liberación”, pa la so llimpieza, esclariando dende l’Ayuntamientu que van a reponela al so sitiu “lo enantes posible”.