Conceyu Abiertu pide Trabayu estable y caltenible pal occidente d´Asturies

Sep

2011

Apoya la plataforma "Oru Non" y refuga'l proyeutu de mina en Salave

Dende Conceyu Abiertu queremos espresar nuesa más fonda repulsa, non yá al proyectu de la mina de Salave, si non a tol despotismu qu'espresen en cada unu de los comunicaos de prensa qu'unvia Ástur Gold nos que faen alusiones a la plataforma mayoritaria del pueblu tapiegu “Oru Non”.

La esplotación minera xenera residuos que'l so almacenamientu apuerta a ser más peligrosu pa la población qu'una central nuclear, y non yá poles balses de cianuru, necesaries pa llevar a cabu la esplotación aurifera, si non, poles borrafes en suspensión qu'amenorgaren les poques esplotaciones lacteas que queden en Asturies, yá que va menguar la calidá del llechi, y polo tanto los ingresos a percibir polos yá, maltrechos ganaderos asturianos.

Por eso, dende Conceyu Abiertu queremos espresar el nuesu sofitu a la Plataforma “Oro Non”, puses ye la espresión mayoritaria d'un pueblu, y que nun se puede vender Asturies por unos ingresos que de manera incierta vaigan recayer sobre la economía nacional o llocal.

El nuevu presidente d'Asturies tien la oportunidá de parar esta barbarie pal territoriu asturianu, y ufiertar oportunidaes d'empléu a la población llocal ensin asemeyada agresión al mediu ambiente, pa que puedan siguir viviendo nel occidente de Asturies con un horizonte temporal de más de 10 años, horizonte d'esplotación d'Ástur Gold, dempués del cual la rexeneración d'espacios protexíos queda más qu'en dulda.

Animamos a la plataforma “Oro Non” y a tola sociedá asturiano a ser valientes y entamar cualquier tipu d'acción contra la instalación de la mina tantu en zona protexida mediambientalmente, como en cualesquier otru puntu de la xeografía asturiana.