Conceyu Abiertu

Desixe la creación d’un Conseyu Municipal de Deportes pa democratizar la xestión esportiva

Énte l'anuncia de la Conceyalía de Deportes de revisar les fórmules de pagu y aplicar una xubida de les tases pol usu de les instalaciones deportives, Conceyu Abiertu por Noreña quier dar conocencia del so puntu de vista sobre la política deportiva y l'usu de les instalaciones:

- Consideramos necesaria la formación de un Conseyu Municipal de Deportes onde tean representaes les asociaciones deportives, amás de la corporación municipal, y que sirva p’ameyorar la xestión deportiva de Noreña d’una forma participativa, tomando la pallabra los propios clubes y los deportistas, convirtiéndolos n’axentes activos de la política deportiva del conceyu.

- Refugamos la situación actual na que los clubes deportivos gasten bona parte de la subvención municipal –yá probe abondo- en pagar les instalaciones. Dende Conceyu Abiertu por Noreña tamos por fórmules que garanticen l'usu de les instalaciones de forma gratuita a les asociaciones deportives.

- Cola gratuidá nel usu les instalaciones ye posible repensar la política de subvenciones y qu'estes, yá seyan iguales o inferiores, repercutan direutamente en materiales y n’otres necesidaes de los clubes. Non en pagar les propies instalaciones municipales.

- Ye preciso cuanto antes la meyora d’algunes de les instalaciones deportives más importantes del conceyu como son el campu fubol y el polideportivu.

- Conceyu Abiertu defende’l fomentu del deporte a nivel de base pa toos y toes (indendientemente de la edá, xéneru o capa social).

- Ye de remembrar qu’al traviés de los clubes deportivos cientos de noreñeses faen deporte nel nuesu conceyu y, amás representen a Noreña dientro y fuera d’Asturies.

Share Link: