Dende la plataforma ciudadana Conceyu Abiertu informamos que vamos a realizar l'actu de presentación del nuesu proyeutu políticu esti prósimu sábadu, día 19 de febreru.
L'actu públicu va cellebrase a les 13.00 hores nel Salón d'Actos de la Biblioteca Xovellanos de Xixón, y nél va dase llectura a un Manifiestu fundacional, esplicándose de siguío el procesu que fizo posible y necesaria la criación de Conceyu Abiertu asina como la nueva metodoloxía política que va dir desendolcando esti movimientu.
Conceyu Abiertu ta estructurándose como una rede de plataformes asamblearies a nivel de conceyu col oxetivu de dir arrexuntando a curtiu y a mediu plazu a toos aquellos seutores sociales de la esquierda combativa qu'apuesten pola reconstruición nacional de Asturies como País.
Dempués del actu políticu, al que tan convidaes toles persones interesaes, va cellebrase una espicha nel Centru Social L’Ayalga de Xixón.
|
Share Link: 
ConceyuAbiertu
