Jul
02
2014
Conceyu Abiertu en solidaridá coles compañeres de la CSI PDF Imprimir Correo electrónico

 

 

Dende'l movimientu soberanista Conceyu Abiertu queremos asoleyar públicamente'l nuesu sofitu incondicional a les compañeres de la CSI, que na mañana de güei Miércoles foron desagospiaes de los llocales que llexitimamente veníen de recuperar pa la causa de los y les trabayadores na Casa Sindical d'Avilés.

 

A pesar de tener solicitáu formalmente estos llocales sindicales públicos al so titular llegal, el Ministeriu de Trabayu, esti caltién incomprensiblente la concesión d'esos mesmos llocales a la patronal organizada na FADE, quien caltién illegalmente l'espaciu n'estáu total d'abandonu y peslláu dafechu, desendolcando tola so actividá n'otru puntu de la ciudá d'Avilés. Poro, énte la inaición ministerial les compañeres de la CSI ocuparon, por segunda vegada, esta primera planta de la Casa Sindical faciendo valer asina los sos derechos y con ellos, los del pueblu trabayador, y como denuncia del espoliu que supón ver a la patronal como titular d'un espaciu que por propiu derechu pertenez al conxuntu de la clase obrera. Por si tou esto fuera pocu, demientres el desagospiu conocíase la noticia de que cuatro de les compañeres del sindicatu taben imputaes por mor de la denuncia por "usurpación y daños" que la FADE presentó tres la devolución al pueblu d'esti espaciu públicu.

 

Asina, dende Conceyu Abiertu desiximos la salida de l'auténtica usurpadora, la patronal, de la Casa Sindical d'Avilés, asina como la retirada de cualquier acusación escontra les compañeres de la Corriente Sindical d'Izquierda. Aprofitando p'animar a estes compañeres pa caltener la llucha polos derechos del pueblu trabayador y facer un llamáu a la solidaridá por esti nuevu casu de represión de la disidencia, que vien a sumase a la riestra d'ellos que venimos careciendo nos caberos tiempos nesti país y que nun ye más que síntoma del mieu que-y produz a la castra dominante un pueblu xuníu y combativu, polo qu'encamentamos a participar na xuntanza que va tener llugar esti xueves 3 de xunetu a les 19:00 énte la Casa Sindical, na plaza del Vaticanu n'Avilés.

 

Puxa la llucha de la clase obrera

Puxa'l Pueblu arrechu y organizáu.

 

Share Link: Share Link: Bookmark Google Yahoo MyWeb Del.icio.us Digg Facebook Myspace Reddit Ma.gnolia Technorati Stumble Upon Blogmarks
Comentarios
Buscar
¡Sólo los usuarios registrados pueden escribir comentarios!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 

CONCEYU ABIERTU POR

  

SÍGUINOS TAMIÉN EN