Conceyu Abiertu

La empresa FCC, al traviés d’una de les sos subcontrates, vien de despedir a seis trabayadores  encargaos del caltenimientu de Parques y Xardinos dientru de los servicios municipales del Ayuntamientu d’Uviéu. La empresa argumenta motivos llaborales, fechu que refuga’l Comité d’Empresa, y los seis trabayadores, que s’atopen acampaos nel Parque San Francisco.

Dende va pocos díes entamaron les obres pa la construcción d’un accesu de l’autopista “Y” nel barriu de Ventanielles, qu’afeuta en concretu a les casi Ríu Navia, Ríu Nalón y Ríu Pigüeña. Esta obra, en primer llugar, hai que denunciar que lleva siendo refugada frontalmente polos vecinos y vecines dende que se conoció el proyeutu.

Con motivu de la cellebración de los “Premios Príncipe de Asturias” esti vienres nel Teatru Campuamor, hai convocada una concentración de protesta na Plaza La Escandalera a les 18:00, contra esti “espectáculu” pagáu por tolos y toles asturianes pal llaváu d’imaxe de la monarquía como institución.

Los vecinos y vecines de la llocalidá d’Olloniegu, asitiada nel nuesu conceyu, lleven una llarga llucha hestórica pa la colocación de barreres acústiques qu’eliminen o, al menos, amenorguen el ruíu que sufren como consecuencia del tránsitu nel tramu d’autopista Les Segaes- Baíña, que trescurre práuticamente pegáu al núcleu poblacional.

Ante ello, el movimientu vecinal lleva movilizáu munchos años, pidiendo a les distintes instituciones y alministraciones una igua a esta problemática pa la qu’incluso hai ellaboráu un proyeutu y un presupuestu, pero que por diverses razones enxamás se lleva alantre. Como consecuencia, los vecinos y vecines nun se rindes, y formaron una plataforma contra’l ruíu de l’autopista.