Conceyu Abiertu

El pasáu 14 de payares, demientres desendolcábase la xornada de fuelga xeneral, tres mozos fueron identificaos en Figaréu mentantu miraben como la Guardia Civil trataba d'acabar con una barricada qu'un grupu de piquetes plantó nesta llocalidá del conceyu. Nesi intre, la Guardia Civil identificó a estos xóvenes, los cuales nun taben faciendo absolutamente nada. Nesti día, nel Conceyu de Mieres yá hebo munches otres identificaciones ya incluso detenciones. Pues bien, estos tres mozos, que namás miraben lo que taba asocediendo, acaben de recibir una notificación de multa d'ente 300 y 30.000 euros. El so delitu foi tar na cai observando lo que pasaba.

El focu de debate nos caberos díes ente la ciudadanía del conceyu de Mieres, ye´l gastu absurdu realizáu pol Ayuntamientu, más esautamente pola conceyalía de cultura, nos cartelos d’apoyu a una concursante d’un programa televisivu. La financiación d’esta propaganda, súmase a una llarga llista de banalidaes no referíu a la distribución de les perres prodecentes de los y les ciudadanes del conceyu.

Dende Conceyu Abiertu por Mieres, va meses, llanzamos un comunicáu que denunciaba'l precariu estáu de los autobuses en cuantu a materiales como asientos ensín denguna estabilidá, suelos que funden cuando pises, ventanes que dexen pasar l'agua y frenos que chirríen qu'asusten. Queremos equí entos, centranos nel problema del trabayador, que sofre al llau de los viaxeros estes deficiencies. Non solu tien de conducir un mediu de tresporte que dexa muncho que desear en cuantes a seguridá, sinón que faenlo soportando una deuda nos pagos que se resume n'una media de 1600 euros por paga de ca trabayador, y que na so totalidad fai una suma de más de 200.000 euros.

 Dende la plataforma ciudadana y municipalista Conceyu Abiertu por Mieres, desiximos al gobiernu llocal, el nivel necesariu de compromisu pa que’l presupuestu destináu por esti a la iluminación de Navidá, seya éticu teniendo en cuenta la situación del conceyu.

L’Ayuntamientu aseguró que les lluces entamaríen a furrular ente’l día 21 d’avientu y el 6 de xineru. Pidimos que se cumpla con firmeza esti supuestu en toes y ca una de les cais, zones y pueblos del conceyu, yá qu'asina desixelu l’estáu nel qu’atopense les arques municipales. Asperamos por supuestu que nun se malinterpreten les pallabres de nueso, ya que nun queremos arrenunciar a les lluces de Navidá nel municipiu, namai consideramos necesariu’l gastu responsable.