Conceyu Abiertu

Dende Conceyu Abiertu por Mieres, va meses, llanzamos un comunicáu que denunciaba'l precariu estáu de los autobuses en cuantu a materiales como asientos ensín denguna estabilidá, suelos que funden cuando pises, ventanes que dexen pasar l'agua y frenos que chirríen qu'asusten. Queremos equí entos, centranos nel problema del trabayador, que sofre al llau de los viaxeros estes deficiencies. Non solu tien de conducir un mediu de tresporte que dexa muncho que desear en cuantes a seguridá, sinón que faenlo soportando una deuda nos pagos que se resume n'una media de 1600 euros por paga de ca trabayador, y que na so totalidad fai una suma de más de 200.000 euros.

Conceyu Abiertu yá ta desendolcando la so campaña a nivel nacional contra la resquiebra hidráulica, práutica pa la estracción de gas altamente contaminante y perxudicial qu'amenaza con aportar al nuesu país. Pa evitalo, numberoses organizaciones, asociaciones, coleutivos y persones tamos organizándonos alrodiu de la Plataforma Anti-Fracking.

Esti xueves viniente Conceyu Abiertu por Villaviciosa tien de cellebrar una charra a les 20:00h. n´el Centru Cultural Capistrano de La Villa. N´esti actu vamos desplicar que ye eso del “Fracking”, asina como falar de les sos consecuencies y lo que pue suponer pa los nuesos conceyos. Na charra intervendrá un miembru de la agrupación política Conceyu Abiertu por Villaviciosa a modu de presentador y Paloma Garcia, Llicenciada en Ciencies de La Mar, Teúnicu Superior en Prevención de Riesgos Llaborales, Conseyera de Seguridá y militante de Conceyu Abiertu, que sedrá la encargada de falanos del tema a fondu y presentanos un documental sobre esta teúnica d´estración de gas del subsuelu tan peligrosa y contaminante que sedrá proyeutau en dichu actu.