Conceyu Abiertu

Dende Conceyu Abiertu atalantamos como positivu l'alcuerdu algamáu esta mañana na Xunta Xeneral d'Asturies pola práutica totalidá de partíos políticos ellí presentes, mediante'l qu'encamienten al Conseyu de Gobiernu de la Comunidá Autónoma del Principáu d'Asturies (C.A.P.A.) a redautar, con rangu llegal, una norma sobre aprovechamientu de recursos y qu'esplícitamente prohíba la téunica de la Resquiebra Hidráulica dientro de les llendes de la C.A.P.A. Cabe alcordase de que dende Conceyu Abiertu pidióse tamien al traviés de la Xunta Xeneral que'l propiu Javier Fernández asoleyara públicamente la so postura sobre esti tema, y d'igual forma, que se tomaran les iniciatives llegales afayaíces pa que les alministraciones públiques asturianes nun concedieran más persimos ya retiraran los vixentes anguaño pa esta peligrosa téunica de la resquiebra hidráulica nos conceyos.

L'Ayuntamientu de Noreña cellebró'l so caberu plenu, nel qu'ente otres custiones, se trataron dos propuestes feches a petición de Conceyu Abiertu por Noreña, al traviés del so conceyal Pablo Pérez. Asina, la primera d'elles correspuende cola iniciativa pa declarar a Noreña como "conceyu llibre de fracking". Depués de consensuar un testu colos demás grupos, la propuesta salió alantre ensin votos a la escontra, polo qu'hai un nuevu conceyu asturianu que refuga la práutica de la resquiebra hidráulica, faciendo asina avanzar la llucha escontra'l fracking n'Asturies.

Ente los temes más destacaos falóse de continuar la campaña escontra’l fracking n’Asturies y d’aniciar una campaña en defensa los conceyos asturianos

Conceyu Abiertu vien de cellebrar el pasáu sábadu 19 de xineru en Noreña un aconceyamientu de la so Coordinadora acional. La Coordinadora de Conceyu Abiertu ye’l muerganu ordinariu de calter nacional y que se cellebra con una periodicidá mensual y al traviés del cual tolos miembros de Conceyu Abiertu participen de les decisiones de calter ordinariu que se tomen na organización. Ye un muerganu asambleariu y abiertu a la participación de cualquier ciudadanu ensin ser necesariamente miembru de Conceyu Abiertu.

Dende les formaciones vecinales d'izquierda soberanista Conceyu Abiertu por Llangréu y Conceyu Abiertu por Mieres queremos tresmitir la nuesa solidaridá a los trabayadores de Felguera Melt (Llangréu) y Felguera Rail (Mieres), dambes instalaciones del grupu Duro Felguera. Estos trabayadores entamaron esti llunes 21 de xineru una llucha en protesta pol ERE d'amenorgamientu de xornada llaboral plantegáu pola empresa a 116 trabayadores nes factoríes de los nuesos conceyos. Dende los nuesos conceyos abiertos sofitamos esta llucha y creemos que ye l'únicu camín a siguir. Nesti sen, llamamos a la vecindá del Conceyu de Mieres y el Conceyu de Llangréu a sofitar esta llucha, que ye la de toes y toos contra la precarización y l'esmantelamientu del pocu texíu productivu que queda en les cuenques.

La llínia d'autobús que percorre'l Valle del Nalón ente Riañu y Llaviana perdió l'añu pasáu 234.000 viaxeros, lo que ye un datu a tener en cuenta, pero tamién hai que considerar que'l descensu d'usuarios dende l'añu 2005 ye d'un millón d'usuarios. Poro, esti descensu ye una constante dende fai dellos años. En pallabres del xerente de Autobuses de Langreo, Julio Álvarez, esti descensu desplícase pol “amenorgamientu de l'actividá económica nel valle y pol descensu de la población”.