ConceyuAbiertu

Coordinadora Nacional (Mayu)

adriasturies@hotmail.com (Adrian) — Tue, 14 May 2013 18:06:46 GMT

Esti xueves 16 de Mayu Conceyu Abiertu convoca una nueva Coordinadora Nacional, órganu abiertu a la participación popular de cualquier persona interesada. La cita sedrá nos llocales de la CSI n'Uviéu (Avda Hermanos Menéndez Pidal 14), de magar les 20:00 en primer convocatoria, y 20:15 en segunda. Van a tratase distintes cuestiones, dalgunes rellacionaes coles campañes anguaño en marcha (antifracking, defensa de los conceyos y democracia participativa), asina como información por conceyos, propuestes de nueves actividaes, o ayalguería.

Conceyu Abiertu sofita la manifestación entamada pol sindicalismu alternativu nel 1º de Mayu

adriasturies@hotmail.com (Adrian) — Mon, 29 Apr 2013 13:53:21 GMT

Un añu más averámonos al Primeru de Mayu, una fecha señalada pal pueblu obreru de tolos países, y un bon momentu pa nun dexar de vindicar. Pasó un añu dende’l caberu ún de Mayu, y la situación pa los y les trabayadores asturianes sigue deteriorándose: nel tarrén llaboral les cifres de paru son hestóricamente altes en tolos seutores y edaes, superando les previsiones más pesimistes. Amás, cuntamos cola tasa d’ocupación más baxa del estáu, y un paru xuvenil descomanáu. Ello deriva nun espoxigue de problemátiques como la emigración forciada, o’l deterioru de les condiciones de vida de bona parte de la población, que nun cunta con nengún ingresu, y en cada vez más casos s’atopa baxo l’umbral de la probitú.

Domingu 14 d’abril: Coordinadora Nacional n’Uviéu

adriasturies@hotmail.com (Adrian) — Thu, 11 Apr 2013 18:32:46 GMT

Conceyu Abiertu entama esti domingu 14 d’abril una nueva Coordinadora Nacional, ferramienta asamblearia na que periódicamente s’axunten los distintos “conceyos abiertos” activos nel territoriu asturianu, asina como toa aquella persona que quiera participar. La Coordinadora Nacional sedrá nos llocales de la CSI n'Uviéu (Cai Hermanos Menéndez Pidal, 14) dende les 18:00 en primer convocatoria, y 18:15 en segunda.

L’orde del día tará compuestu por temes como la campaña en defensa de los conceyos asturianos y pola democracia participativa, nueves aiciones dientro de la campaña escontra’l fracking, información por conceyos, propuestes d’actividaes, y otros como ayalguería.

Concentración contra los llavaos de cara de la patronal cacique y especuladora.

adriasturies@hotmail.com (Adrian) — Thu, 11 Apr 2013 18:17:18 GMT

Alrodiu d'unes 40 persones axuntámonos en L'Entregu pa denunciar la farsa del eventu “Conecta 4x4”, qu'entamana la patronal, cola Fundación Botín a la cabeza y la collaboración del PSOE de Llangréu y Samartín del Rei Aurelio. Conceyu Abiertu por SMRA y por Llangréu llamó fai unos díes a movilizase pa denunciar esti eventu hipócrita que trata d'amosar una imaxe social del coleutivu empresarial, el mesmu qu'especula col dineru de los y les trabayadores, precariza l'emplegu y echa a la xente a la cai a coste cero gracies a la so natura cacique y la complicidá de les últimes reformes llaborales de PSOE y PP.

Charra-alderique: “En defensa de los conceyos asturianos y pola democracia participativa”

adriasturies@hotmail.com (Adrian) — Mon, 08 Apr 2013 20:33:34 GMT

Dientro de la campaña pro-conceyos entamada anteriormente , Conceyu Abiertu organiza’l sábadu 13 d’Abril na Casa Cultura de Bimenes –asitiada en Santuyano- una charra-alderique entitulada “En defensa de los conceyos asturianos y pola democracia participativa”. Na mesma participarán Ástor Llaneza –voceru de Conceyu Abiertu-, Aitor García –conceyal asturianista de Bimenes- y Jesús Barbón –llicenciáu en drechu-.

Concentración contra un eventu hipócrita y cínicu de la patronal más cacique.

adriasturies@hotmail.com (Adrian) — Sun, 07 Apr 2013 13:12:03 GMT

El prósimu xueves 11 d'abril, a les 15:45 hores Conceyu Abiertu por Llangréu y Conceyu Abiertu por SMRA llamen a concentrase nel IES Virgen de Covadonga de L'Entregu baxo'l llema “Botín danos un puestín: non más hipocresía de la patronal cacique”. La concentración sedrá un actu de protesta contra lo qu'entendemos que ye un eventu oportunista, hipócrita y cínicu de la patronal.

Conceyu Abiertu convoca Coordinadora Nacional pal 3 de Marzu

adriasturies@hotmail.com (Adrian) — Mon, 25 Feb 2013 21:36:38 GMT

Dende Conceyu Abiertu siguimos alantre cola dinámica de favorecer la participación popular nel desendolcu de l’actividá de la nuesa plataforma política, y con esi motivu, llamamos al pueblu a participar na Coordinadora Nacional convocada pal domingu 3 de Marzu nos llocales de la CSI n’Uviéu (Cai Hermanos Menéndez Pidal), a les 18:15 en primer convocatoria, y a les 18:30 en segunda.

Conceyu Abiertu sofita la manifestación escontra los desahucios

adriasturies@hotmail.com (Adrian) — Fri, 15 Feb 2013 19:00:33 GMT

FACEMOS UN LLAMÁU AL CONXUNTU DE LA SOCIEDÁ ASTURIANA PA QUE TOME PARTE DE LA DEMANDA Y FAIGAMOS UNA DEMOSTRACIÓN ESCONTRA LA DICTADURA DE LA ECONOMÍA.

En defensa de los conceyos asturianos, pola democracia participativa

adriasturies@hotmail.com (Adrian) — Wed, 13 Feb 2013 21:22:03 GMT

Dende la plataforma Conceyu Abiertu queremos amosar la nuesa postura ante l’intentu que vienen amosando dellos seutores políticos y mediáticos pa insuflar na población asturiano una supuesta necesidá de xunir y, poro, eliminar conceyos del nuestru país.

Presentación de Conceyu Abiertu por Llaviana

adriasturies@hotmail.com (Adrian) — Sun, 10 Feb 2013 22:09:27 GMT

Martes 12 de Febreru, a les 16:00 presentación de Conceyu Abiertu por Llaviana, na Plaza del Ayuntamientu en La Pola Llaviana. Repartiremos árboles autóctonos asturianos (Castañales, Carbayos, Nogales y Serbales Silvestres), pa fomentar la educación y conciencia ambiental y repoblar les nueses viesques.