Uviéu

Marcha en bici contra'l fracking

adriasturies@hotmail.com (Adrian) — Tue, 14 May 2013 18:14:51 GMT

Coordinadora Nacional (Mayu)

adriasturies@hotmail.com (Adrian) — Tue, 14 May 2013 18:06:46 GMT

Esti xueves 16 de Mayu Conceyu Abiertu convoca una nueva Coordinadora Nacional, órganu abiertu a la participación popular de cualquier persona interesada. La cita sedrá nos llocales de la CSI n'Uviéu (Avda Hermanos Menéndez Pidal 14), de magar les 20:00 en primer convocatoria, y 20:15 en segunda. Van a tratase distintes cuestiones, dalgunes rellacionaes coles campañes anguaño en marcha (antifracking, defensa de los conceyos y democracia participativa), asina como información por conceyos, propuestes de nueves actividaes, o ayalguería.

Conceyu Abiertu sofita la manifestación entamada pol sindicalismu alternativu nel 1º de Mayu

adriasturies@hotmail.com (Adrian) — Mon, 29 Apr 2013 13:53:21 GMT

Un añu más averámonos al Primeru de Mayu, una fecha señalada pal pueblu obreru de tolos países, y un bon momentu pa nun dexar de vindicar. Pasó un añu dende’l caberu ún de Mayu, y la situación pa los y les trabayadores asturianes sigue deteriorándose: nel tarrén llaboral les cifres de paru son hestóricamente altes en tolos seutores y edaes, superando les previsiones más pesimistes. Amás, cuntamos cola tasa d’ocupación más baxa del estáu, y un paru xuvenil descomanáu. Ello deriva nun espoxigue de problemátiques como la emigración forciada, o’l deterioru de les condiciones de vida de bona parte de la población, que nun cunta con nengún ingresu, y en cada vez más casos s’atopa baxo l’umbral de la probitú.

Domingu 14 d’abril: Coordinadora Nacional n’Uviéu

adriasturies@hotmail.com (Adrian) — Thu, 11 Apr 2013 18:32:46 GMT

Conceyu Abiertu entama esti domingu 14 d’abril una nueva Coordinadora Nacional, ferramienta asamblearia na que periódicamente s’axunten los distintos “conceyos abiertos” activos nel territoriu asturianu, asina como toa aquella persona que quiera participar. La Coordinadora Nacional sedrá nos llocales de la CSI n'Uviéu (Cai Hermanos Menéndez Pidal, 14) dende les 18:00 en primer convocatoria, y 18:15 en segunda.

L’orde del día tará compuestu por temes como la campaña en defensa de los conceyos asturianos y pola democracia participativa, nueves aiciones dientro de la campaña escontra’l fracking, información por conceyos, propuestes d’actividaes, y otros como ayalguería.

Concentración contra los llavaos de cara de la patronal cacique y especuladora.

adriasturies@hotmail.com (Adrian) — Thu, 11 Apr 2013 18:17:18 GMT

Alrodiu d'unes 40 persones axuntámonos en L'Entregu pa denunciar la farsa del eventu “Conecta 4x4”, qu'entamana la patronal, cola Fundación Botín a la cabeza y la collaboración del PSOE de Llangréu y Samartín del Rei Aurelio. Conceyu Abiertu por SMRA y por Llangréu llamó fai unos díes a movilizase pa denunciar esti eventu hipócrita que trata d'amosar una imaxe social del coleutivu empresarial, el mesmu qu'especula col dineru de los y les trabayadores, precariza l'emplegu y echa a la xente a la cai a coste cero gracies a la so natura cacique y la complicidá de les últimes reformes llaborales de PSOE y PP.

Charra-alderique: “En defensa de los conceyos asturianos y pola democracia participativa”

adriasturies@hotmail.com (Adrian) — Mon, 08 Apr 2013 20:33:34 GMT

Dientro de la campaña pro-conceyos entamada anteriormente , Conceyu Abiertu organiza’l sábadu 13 d’Abril na Casa Cultura de Bimenes –asitiada en Santuyano- una charra-alderique entitulada “En defensa de los conceyos asturianos y pola democracia participativa”. Na mesma participarán Ástor Llaneza –voceru de Conceyu Abiertu-, Aitor García –conceyal asturianista de Bimenes- y Jesús Barbón –llicenciáu en drechu-.

Concentración contra un eventu hipócrita y cínicu de la patronal más cacique.

adriasturies@hotmail.com (Adrian) — Sun, 07 Apr 2013 13:12:03 GMT

El prósimu xueves 11 d'abril, a les 15:45 hores Conceyu Abiertu por Llangréu y Conceyu Abiertu por SMRA llamen a concentrase nel IES Virgen de Covadonga de L'Entregu baxo'l llema “Botín danos un puestín: non más hipocresía de la patronal cacique”. La concentración sedrá un actu de protesta contra lo qu'entendemos que ye un eventu oportunista, hipócrita y cínicu de la patronal.

Conceyu Abiertu por Llangréu esixe eficacia y tresparencia na reforma del Colexu Iglesias ...

adriasturies@hotmail.com (Adrian) — Tue, 26 Mar 2013 19:28:38 GMT

Énte l'anuncia de la Conseyería d'Educación, l'Ayuntamientu de Llangréu y la Mancomunidá del Nalón d'invertir 200.000 euros en reformes nel Colexu d'Educación Especial Iglesias Prada de Sama Conceyu Abiertu por Llangréu quier espresar lo que vien darréu:

Conceyu Abiertu por Llangréu pide una solución pa les antigües escueles de Barros

adriasturies@hotmail.com (Adrian) — Wed, 20 Mar 2013 21:33:42 GMT

Estáu nel añu 2007.

La formación municipalista Conceyu Abiertu por Llangréu quier denunciar públicamente l'estáu nel que s'alcuentren les antigues escueles del distritu llangreanu de Barros. Fai dalgo menos d'una década la escuela, asitiada nel parque del pueblu, acabó la so actividá y foi abandonada. Depués de numberosos robos y actos vandálicos l'Ayuntamientu de Llangréu tomó'l determín de tapiar les instalaciones. Anguaño, al travíes de les ventanes podemos ver como l'estáu interior del edificiu ye de destrozu y d'abandonu, axuntándose anguañu muncha suciedá dientru l'edificiu.

Énte los datos de contaminación en Samartín

adriasturies@hotmail.com (Adrian) — Wed, 20 Mar 2013 21:30:49 GMT

Dende Conceyu Abiertu por Samartín pedimos que se faigan públiques pa la vecindá del conceyu les fuentes de les altes tases de dioxidu d'azufre presentes nel nuesu conceyu y en especial na llocalidá de Sotrondio. Dende la nuesa organización pedimos responsablidaes direutes al Principáu ya que camentamos que debería ser el principal garante de la seguridá y el responsable de les investigaciones oportunes que evitasen esti tipu de situaciones. Fechos como estos nun faen más que mostrar la ineficacia de estes intituciones y a la par la dexadez y el marxinalismu nel que quieren sumir les cuenques.