Noreña

Llamada a conceyu abiertu al pueblu de Noreña

adriasturies@hotmail.com (Adrian) — Mon, 25 Feb 2013 21:34:28 GMT

Noreña aprueba propuestes de Conceyu Abiertu

adriasturies@hotmail.com (Adrian) — Sat, 02 Feb 2013 18:16:24 GMT

L'Ayuntamientu de Noreña cellebró'l so caberu plenu, nel qu'ente otres custiones, se trataron dos propuestes feches a petición de Conceyu Abiertu por Noreña, al traviés del so conceyal Pablo Pérez. Asina, la primera d'elles correspuende cola iniciativa pa declarar a Noreña como "conceyu llibre de fracking". Depués de consensuar un testu colos demás grupos, la propuesta salió alantre ensin votos a la escontra, polo qu'hai un nuevu conceyu asturianu que refuga la práutica de la resquiebra hidráulica, faciendo asina avanzar la llucha escontra'l fracking n'Asturies.

Conceyu Abiertu por Noreña escontra’l peslle del centru ocupacional d’ADEPAS

adriasturies@hotmail.com (Adrian) — Fri, 04 Jan 2013 17:52:04 GMT

Dende Conceyu Abiertu por Noreña manifestamos la nuesa refuga al posible peslle del centru de sofitu a la integración que la asociación ADEPAS caltien en Noreña. El centru conocidu hestóricamente en Noreña como Fundación Rionda o “La fundación” xuega un papel mui importante en Noreña na atención a persones con diferentes tipos de discapacidaes y atiende angüañu a un total de setenta usuarios contando con una ventena trabayadores pa ello.

Conceyu Abiertu por Noreña entruga al gobiernu por delles deficiencies nes instalaciones deportives

adriasturies@hotmail.com (Adrian) — Mon, 06 Aug 2012 20:34:08 GMT

El conceyal de Conceyu Abiertu por Noreña vien de formular delles entrugues al responsable de la conceyalía de deportes nel Ayuntamientu de Noreña en relación a delles deficiencies detectaes n’algunes de les instalaciones esportives del conceyu.

Les preguntes formulaes por Pablo Perez (Conceyu Abiertu) a Unai Díaz (PSOE) son los que vienen darréu:

¿Dende la conceyalía de deportes táse al tantu de qu’esiste una gotera que pinga direutamente sobre la pista formándose un charcu cuando llueve y que la solución executada provisionalmente d’un canalón pa evacuar l’agua proveniente d’esa gotera al parecer nun resolvió definitivamente el problema? ¿Tá evaluandose la posibilidá de buscar otra solución téunica?
Leer más...

Conceyu Abiertu por Noreña denuncia l’oscurantismu na ellaboración de los presupuestos 2012

asturieslliberta@hotmail.com (Toño) — Mon, 16 Apr 2012 12:04:24 GMT

El gobiernu municipal nun permite facer copia del borrador de los presupuestos a los conceyales de la oposición

Dende Conceyu Abiertu por Noreña consideramos un déficit democráticu inxistificable’l fechu de que dende’l gobiernu se decidiere nun permitir a los conceyales de la oposición facer copia del borrador de presupuestos al que tan sólo puén acceder a él los miembros del plenu municipal de 8 a 15h na sala de conceyales.

Dende Conceyu Abiertu defendemos unos presupuestos participativos, onde’l pueblu de Noreña puea ser parte activa na so elaboración. Nesti sen, recordamos, por exemplu, que nel conceyu vecín de Siero un gobiernu tamién del Psoe ellaboró los presupuestos de forma participativa mentantu en Noreña, un alcalde del mismu color políticu nun solo nun permite la participación ciudadana sinon que impide facer copía del documentu a los propios conceyales de la oposición.

Conceyu Abiertu por Noreña refuga la xuba de tases pol usu d'instalaciones deportives

asturieslliberta@hotmail.com (Toño) — Thu, 12 Apr 2012 20:56:26 GMT

Desixe la creación d’un Conseyu Municipal de Deportes pa democratizar la xestión esportiva

Énte l'anuncia de la Conceyalía de Deportes de revisar les fórmules de pagu y aplicar una xubida de les tases pol usu de les instalaciones deportives, Conceyu Abiertu por Noreña quier dar conocencia del so puntu de vista sobre la política deportiva y l'usu de les instalaciones:

- Consideramos necesaria la formación de un Conseyu Municipal de Deportes onde tean representaes les asociaciones deportives, amás de la corporación municipal, y que sirva p’ameyorar la xestión deportiva de Noreña d’una forma participativa, tomando la pallabra los propios clubes y los deportistas, convirtiéndolos n’axentes activos de la política deportiva del conceyu.

- Refugamos la situación actual na que los clubes deportivos gasten bona parte de la subvención municipal –yá probe abondo- en pagar les instalaciones. Dende Conceyu Abiertu por Noreña tamos por fórmules que garanticen l'usu de les instalaciones de forma gratuita a les asociaciones deportives.

Conceyu Abiertu propón una Ordenanza municipal pal usu de la llingua asturiana nel Conceyu de ...

asturieslliberta@hotmail.com (Toño) — Thu, 09 Feb 2012 13:08:22 GMT

Presentó una propuesta al restu de formaciones col oxetivu d’intentar que s’apruebe por unanimidá prosimemente.

Conceyu Abiertu por Noreña presentó-yos al resto d’organizaciones polítiques del conceyu (PSOE, IPÑ, PP, FDLI, FAC, IDEAS) una propuesta d’Ordenanza municipal pal usu de la llingua asturiana nel Conceyu de Noreña pa que la puean estudiar y/o facer propuestes de cara a llevala a los órganos de decisión del conceyu prosimamente.

Conceyu Abiertu por Noreña espera poder reunise con representantes de toles organizaciones, de cara a recoyer les sos impresiones y propiciar l’aprobación d’una ordenanza por unanimidá. Sería la primera vez que Noreña se dote d’una normal llocal sobre la llingua propia del conceyu, se reconozan los drechos llingüísticos de tolos vecinos y vecines, se regule l’usu nel ayuntamientu y dalgunes midíes de promoción y normalización. Ye por ello que sería preferible aprobalo tolos grupos, siendo amás la llingua patrimoniu de tolos noreñenses independientemente de la so ideoloxía.

Conceyu Abiertu denuncia l'usu de toponimia non oficial nel enllaz a l'autovía minera de Ferrera

asturieslliberta@hotmail.com (Toño) — Wed, 25 Jan 2012 13:03:56 GMT

- Nun se respeta la toponimia oficial ya invéntase “La Ferrera”.

- Conceyu Abiertu por Noreña va llevar l'asuntu al Plenu.

Ante la instalación de señalización toponímica nel enllaz de Noreña cola Autovía Minera Conceyu Abiertu per Siero y Conceyu Abiertu per Noreña quieren denunciar que nun se respeta la toponimia oficial, dándose'l casu que la oficial “Ferrera” se convierte en “La Ferrera”, apaeciendo amás “La Ferrera de Abajo” y “La Ferrera de Arriba”, en llugar de les denominaciones oficiales “Ferrera de Baxo” y “Ferrera de Riba”.

Posición pal Plenu Estraordinariu de Noreña del 22 d'avientu

asturieslliberta@hotmail.com (Toño) — Wed, 21 Dec 2011 20:46:21 GMT

Tocántenes al PRIMER PUNTU del orde del día, ESPEDIENTE DE MODIFICACIÓN PRESUPUESTARIA n21/2011, queremos espresar lo siguiente:

1) Entendemos que seya necesario facer la modificación pa nun perder la posibilidá de pagar les factures que debe l’Ayuntamientu (les recibíes fasta'l 30/11/11, incluyendo 5 factures pendientes del 2010 que nun se recoyeron nel créditu ICO pidíu y escluyendo 80.000€ que se deben a CADASA). El dineru sal básicamente de créditos yá amortizaos, de partíes relacionaes cola policía llocal, que, o yá se ficieron o sobraron esti añu, y tamién del aforru en sueldos de los políticos (¡unos 70000 euros en 6 meses!). Esto pon de manifiestu lo bono que ye pa les cuentes de Noreña que los políticos nun sangren les arques municipales yá que, prácticamente, con dexar de cobrar o contener fuertemente'l gastu nos dos años anteriores fácilmente se finaría l'añu con un saldu positivu, o poco negativu. Agora bien, facer esta modificación ye por cuenta de que se trabaya con un presupuestu prorrogáu por cuenta de que l'anterior gobiernu municipal nun foi a cuadrar, nin a aprobar les cuentes del 2009. Amás, al parecer, naide tien la culpa d'esa situación y naide ta buscando responsabilidaes.

Mapa de riesgos y barreres de Noreña

asturieslliberta@hotmail.com (Toño) — Wed, 30 Nov 2011 15:44:59 GMT

Conceyu Abiertu por Noreña presenta un mapa participativu col oxetivu de ser ferramienta de denuncia, prevención y d’actuación política, la primera denunciar los numberosos pasos de peatones ensin adaptar y qu'incumplen la llei.

Conceyu Abiertu por Noreña ta acabante d’asoleyar un Mapa de Riesgos y Barreres de Noreña que se pue consultar en internet y ta abiertu a la collaboración ciudadana pa siguir completándolu. L’oxetivu ye facer un mapa lo más completu posible que permita visualizar distintos riesgos, barreres arquitectóniques y otra serie de circunstancies sobre les que se ve conveniente llamar la atención. Amás, el mapa complétase y compleméntase con una galería de fotodenuncies recoyíes nel mapa. Pa participar y collaborar hai qu’unviar la fotografía (col so asitiamientu y la problemática) al corréu: fotodenuncies@gmail.com. El mapa, qu’agora recueye mediu centenar d’incidencies, va dir actualizándose periódicamente col material recoyíu y la intención de Conceyu Abiertu ye llevar alantre iniciatives pa iguar no posible les riesgos y barreres recoyíos.