Llangréu

Conceyu Abiertu por Llangréu esixe eficacia y tresparencia na reforma del Colexu Iglesias ...

adriasturies@hotmail.com (Adrian) — Tue, 26 Mar 2013 19:28:38 GMT

Énte l'anuncia de la Conseyería d'Educación, l'Ayuntamientu de Llangréu y la Mancomunidá del Nalón d'invertir 200.000 euros en reformes nel Colexu d'Educación Especial Iglesias Prada de Sama Conceyu Abiertu por Llangréu quier espresar lo que vien darréu:

Conceyu Abiertu por Llangréu pide una solución pa les antigües escueles de Barros

adriasturies@hotmail.com (Adrian) — Wed, 20 Mar 2013 21:33:42 GMT

Estáu nel añu 2007.

La formación municipalista Conceyu Abiertu por Llangréu quier denunciar públicamente l'estáu nel que s'alcuentren les antigues escueles del distritu llangreanu de Barros. Fai dalgo menos d'una década la escuela, asitiada nel parque del pueblu, acabó la so actividá y foi abandonada. Depués de numberosos robos y actos vandálicos l'Ayuntamientu de Llangréu tomó'l determín de tapiar les instalaciones. Anguaño, al travíes de les ventanes podemos ver como l'estáu interior del edificiu ye de destrozu y d'abandonu, axuntándose anguañu muncha suciedá dientru l'edificiu.

Conceyu Abiertu por Llangréu denuncia la situación de la Casa Nueva, en Sama de Llangréu

adriasturies@hotmail.com (Adrian) — Wed, 13 Mar 2013 21:13:11 GMT

La formación municipalista Conceyu Abiertu por Llangréu quier denunciar públicamente, a petición de delles vecines, la situación na que s'alcuentra la cai de la Casa Nueva, cai que s'alcuentre detrás de la céntrica Cai Dorado de Sama de Llangréu. Esta zona de la llocalidá de Sama anguaño presenta una imaxe llamentable y el so abandonu ta siendo motivu de múltiples problemes de salú pública y falta d'hixene.

La vecindá de la zona lleva bien de tiempu denunciando la situación d'abandonu continuáu y progresivu de la Casa Nueva. Fai tiempu los propietarios de les cases cedieron les mesmes al Ayuntamientu col envís de facilitar el so esbarrumbe ya iguar asina la situación d'esta zona, que presentaba grandes problemes d'acumulación de vertíos, infecciones y fedores. L'Ayuntamientu diz que nun tien fondos pa tirar abaxu les viviendes y llimpiar la zona y agora quier retirar la lluz a esta zona, col envís de tratar de que'l problema nun se visibilice.

Les cases, que tan en situación de ruina, tan enllenes de basoria y son un claro ñeru de suciedá ya infección. Los barrenderos municipales nun pasen por esta cai, polo que la redolada de les mesmes tan na mesma situación precaria y de falta d'hixene. L'Ayuntamientu, nin tan siquier tuvo'l determín de tapiar les cases p'asina tratar de torgar que s'axuntaren residuos dientru d'elles. Namás la vecindá de la zona fai falgo por caltener un pocu la zona, pero los sos esfuercios, mentantu l'Ayuntamientu siga mirando pa otru llau son inútiles.

Dende Conceyu Abiertu por Llangréu pidimos una solución pa esta zona de Sama, yá qu'entendemos que nun se puede permitir esta situación en plenu sieglu XXI nel nuesu conceyu. Denunciamos la situación y alertamos del peligru pa la salú pública y el bientar de los vecinos que supón siguir cola situación asina y nun poner midíes dende la Casa Conceyu. Denunciamos, amás, l'actitú déspota del PSOE llocal, una vegada más inorando les peticiones de los vecinos y mirando pa otru llau con zones como ésta, totalmente abandonaes, y de les cuales tenemos dellos exemplos nel conceyu.

Conceyu Abiertu por Llangréu considera que la situación del CISVIAL evidencia'l fracasu d'un ...

adriasturies@hotmail.com (Adrian) — Sun, 06 Jan 2013 17:37:21 GMT

Estos díes s'asoleyó una noticia bien preocupante, una más, en relación a otra empresa del conceyu. El Centru Integral pa la Seguridá Vial (CISVIAL) entró en concursu d'acreedores esti pasáu mes d'avientu de 2012 depués de llevar abiertu pocu más d'añu y mediu. Esti centru de seguridá vial, asitiáu cerca l'Altu Santu Miano foi un proyeutu empobináu por Fruela Autoescuelas y por SADIM (empresa satélite d'HUNOSA) que cuntó con una inversión inicial de 11 millones d'euros y con sovenciones importantes a cargu los fondos mineros.

Conceyu Abiertu por Llangréu denuncia l'aislamientu que viven dellos pueblos por mor de los ...

adriasturies@hotmail.com (Adrian) — Wed, 26 Dec 2012 17:41:10 GMT

Los vecinos y vecines de dellos pueblos del conceyu, en concretu La Zoréa, Bobia, La Moñeca, el Cadaval y Campa la Teyera tan indignaos. Les nueves obres de los túneles de Riañu dexaron a estos pueblos aislaos, yá qu'al finar les obres d'estos túneles la carretera provisional que daba accesu a estes llocalidaes quedó inutilizada. Agora, los vecinos tendrán d'usar la carretera vieya, que lleva cuatro años ensín llimpiase, constantemente emplegada por camiones y que ta dafechamente inutilizable.

Conceyu Abiertu por Llangréu alerta de dos vertederos illegales na cai Molín del Sutu de La ...

adriasturies@hotmail.com (Adrian) — Mon, 17 Dec 2012 15:38:29 GMT

La cai Molín del Sutu, asitiada na llocalidá de La Felguera, presenta un aspectu llamentable. L'abandonu'l gobiernu llocal d'esta cai llangreana ye manifiestu y munches persones alerten del desaniciu, pasu ente pasu, d'esta zona felguerina, na qu'entá trabaya abonda xente y viven munchos vecinos. La carretera presenta un aspectu bien meyorable, munches de les cases de la zona van camín d'esbarrumbase y la llimpieza d'esta zona ye bien deficitaria. Estos problemes s'agraven ainda más cuando atopámonos con dellos vertederos illegables na zona.

Conceyu Abiertu por Llangréu refuga la lliquidación de los Talleres Jesús Álvarez.

adriasturies@hotmail.com (Adrian) — Sun, 09 Dec 2012 21:54:59 GMT

Esta selmana salió a la lluz una permurnia noticia más pal emplegu en Llangréu y el futuru d'esti conceyu. La direición de los Talleres Jesús Álvarez presentó una propuesta d'ERE bien clara: 16 despidos, 24 trabayadores con regulación temporal del so emplegu durante dos años y l'amenorgamientu de la xornada llaboral a tres persones d'alministración. Esta empresa ta asitiada nel Polígonu de Valnalón y la so xera ye facer productos de mecanización precisa, componentes pa xeneradores eólicos y válvules industriales.

La plantilla d'estos talleres felguerinos refugó los planes de la empresa la selmana pasada en conceyu de trabayadores. Agora van presentar un plan de viabilidá alternativo a la patronal, yá qu'anque nun escuenden qu'hebo menos carga de trabayu nos caberos meses confíen na viabilidá absoluta de la empresa llangreana. Amás avisen que de nun aceutar la empresa les sos condiciones, que nun dexen de ser les meyores pa los trabayadores y pa Llangréu, pasaran a les movilizaciones.

Dende Conceyu Abiertu por Llangréu queremos dexar nidio que:

L'actitú de la empresa ye irresponsable. Nestos momentos, onde'l Pueblu Trabayador ta sufriendo les consecuencies de la crisis capitalista, la direición de Talleres Jesús Álvarez presenta un ERE que quier lliquidar la empresa dafechu. Lo ciertu ye que da la sensación que la situación nun merez llegar a una situación d'esti tipu.
Queremos tresmitir tola nuesa solidaridá a les persones d'esta empresa que tan viéndose afeutadas pol determín de la empresa y llamar a la ciudadanía de Llangréu a tresmitir tamién la so solidaridá. Amás, tamién querer aplaudir y animar la iniciativa de los trabayadores na defensa de los puestos de trabayu.
Pidimos al gobiernu llocal iniciativa con esti asuntu y que puxe pol emplegu en Valnalón. Los gobernantes llocales tienen de facer presión énte la empresa y posicionase del llau de los trabayadores
Pa finar, dende Conceyu Abiertu por Llangréu queremos alertar de que más de venti talleres metálicos echaron el peslle dende qu'españó la crisis capitalista namás nel nuesu conceyu, lo que supón el desaniciu de más de 350 puestos de trabayu nesti tipu d'industries.

¡SOLIDARIDÁ CON TALLERES JESÚS ÁLVAREZ!

¡PUXA LA LLUCHA OBRERA!

¡POR UN LLANGRÉU PA VIVIR Y TRABAYAR!

Conceyu Abiertu por Llangréu en solidaridá col coleutivu trabayador d'Aguas de Langreo

adriasturies@hotmail.com (Adrian) — Fri, 07 Dec 2012 16:00:59 GMT

La empresa mixta Aguas de Langreo (51 % Ayuntamientu / 49% Aqualia) decidió retirar esti añu la paga estra de Navidá a los sos emplegaos, qu'axunten una plantiya de 42 persones. Los y les trabayadores anuncien qu'en nengún momentu la empresa, controlada pol gobiernu llocal, intentó negociar con ellos y que tan acabantes de conocer esti recorte llaboral por mediu de la prensa. Asina, l'Ayuntamientu y Aqualia tomaron esti determín de forma unilateral y executaron esti recorte al coleutivo trabayador d'Aguas de Langreo.

Conceyu Abiertu por Llangréu pide más tablones informativos públicos nel conceyu

adriasturies@hotmail.com (Adrian) — Thu, 29 Nov 2012 21:41:00 GMT

Echando la vista d'unos años p'atrás hasta'l día de güei una de les constantes nel Conceyu de Llangréu foi la represión a asociaciones polítiques o sociales pol fechu d'apegar propaganda. Millonaries multes cayeron a dellos coleutivos pol simple fechu d'apegar propaganda, anque paez ser que'l criteriu del Ayuntamientu nun ye'l mesmu pa toos. Estremaos coleutivos lleven años denunciando esta represión y el doble raseru del gobiernu conceyil. El PSOE de Llangréu y l'Ayuntamientu munches vegaes evidenciaron esi doble raseru apegando cartelos informativos en zones nes que según ellos mesmos nun ta permitio apegar cartelos, como les marquesines d'autobús.

Fainos llegar les tos propuestes

adriasturies@hotmail.com (Adrian) — Mon, 26 Nov 2012 21:13:54 GMT