Sieru

Conceyu Abiertu por Sieru alerta de dellos vertíos illegales de basoria

adriasturies@hotmail.com (Adrian) — Thu, 02 Aug 2012 11:30:08 GMT

Dende la formación ciudadana Conceyu Abiertu por Sieru venimos percibiendo dende va selmanes a la formación de vertederos improvisaos, de pequeñu tamañu pero bien visibles y accesibles en zones averaes principalmente a Llugones y El Carbayu, básicamente en territorios de calter rural y averaos a zones de vexetación, onde dalguna xente aprovecha pa dexar tiraos los sos desfechos, que pueden comprender dende plásticos a caxes de fruta, colchones o televisores.

Ello algama una especial gravedá en zones averaes al Ríu Nora, onde l’impactu d’esti tipu d’acciones ye inda mayor tanto a nivel visual como mediuambiental. Poro, dende Conceyu Abiertu por Sieru treslladamos a la Casa Conceyu dicha problemática pa que ponga igua a estes acumulaciones de basoria, asina como tamién queremos poner esta problemática en conocimientu de tola sociedá sierense, pa evitar na midida de lo posible la degradación del nuesu mediu natural.

Conceyu Abiertu por Sieru propón la creación d'un "bancu de medicamentos"

asturieslliberta@hotmail.com (Toño) — Fri, 20 Apr 2012 18:44:54 GMT

Conceyu Abiertu propón al ayuntamiento de Sieru crear un “Bancu de medicines” pa l’usu de tolos vecinos del conceyu; Esti Bancu sedría un llugar onde los y les sierenses puean dexar les sobres de medicines que tengan nes sos cases ya onde poder dir a esta “farmacia pública” nel casu de necesitar dalguna de les referencies d’esti stock.

Esta medía, xunto cola sensibilización ciudadana quier paliar los problemas que la cabera norma de pagu de medicines, que va afectar a un sector per grande de la nuesa población, amás de facer un sistema alternativu, solidariu y participativu sobre’l usu de medicines.

Les sobres de melicines que toos y toes tenemos nes nueses cases que puén ser el resultau de delles circustancies, puén ser el sofitu pa facer una “farmacia alternativa”, que cola xestión d’un farmacéuticu y el control del médicu podemos coyer de baldre la cantidá necesaria de dosis.

Conceyu Abiertu denuncia l'usu de toponimia non oficial nel enllaz a l'autovía minera de Ferrera

asturieslliberta@hotmail.com (Toño) — Wed, 25 Jan 2012 13:03:56 GMT

- Nun se respeta la toponimia oficial ya invéntase “La Ferrera”.

- Conceyu Abiertu por Noreña va llevar l'asuntu al Plenu.

Ante la instalación de señalización toponímica nel enllaz de Noreña cola Autovía Minera Conceyu Abiertu per Siero y Conceyu Abiertu per Noreña quieren denunciar que nun se respeta la toponimia oficial, dándose'l casu que la oficial “Ferrera” se convierte en “La Ferrera”, apaeciendo amás “La Ferrera de Abajo” y “La Ferrera de Arriba”, en llugar de les denominaciones oficiales “Ferrera de Baxo” y “Ferrera de Riba”.

Sofitu a los vecinos afectaos poles obres del tanatoriu de Llugones

asturieslliberta@hotmail.com (Toño) — Wed, 31 Aug 2011 10:30:49 GMT

Conceyu Abiertu por Sieru quier amosar el so sofitu firme a los vecinos de Paredes afectaos poles obres del futuru tanatoriu de Llugones y demanda la paralización de les obres darréu.

"Nun queremos entrar n'agravios comparativos, nin negar la esistencia de dichu tanatoriu, siempres y cuando la demanda de los vecinos de Llugones sía real y correspondida con tala obra, pero queremos dexar claro que, como otres munches, les coses nun se faen asina. Nun puede ser qu'un conceyu que lo que ye güei s'enllena la boca cola participación ciudadana, faiga de menos la opinión de los munchos vecinos contrarios a esta forma d'execución del proyectu.

Conceyu Abiertu por Sieru refuga la creación d'un Grupu Mistu

asturieslliberta@hotmail.com (Toño) — Mon, 04 Jul 2011 15:43:32 GMT

Dende Conceyu Abiertu por Sieru queremos amosar el nuesu refugu a la creación d'un Grupu Mistu formáu poles agrupaciones minoritaries dientro del conceyu. "Creemos que lo único que busquen tantu Psoe, como PP ye'l monopoliu políticu y d'opinión nos órganos de representación, amás l'argumentación del aforru ye una auténtica patraña y tomadura de pelo a tolos vecinos". En Conceyu Abiertu creemos primordial qu tolos grupos (sían cualos sían) tengan les mesmes oportunidaes d'opinar y decidir, anque tamién nos gustaría ver dalguna respuesta de los que, por estos cuatro años, van ser los grupos minoritarios, yá que'l so silenciu xenéranos munches duldes.

Programa de Conceyu Abiertu por Sieru

asturieslliberta@hotmail.com (Toño) — Mon, 16 May 2011 17:52:58 GMT

Programa de Conceyu Abiertu por Sieru, n'asturianu y castellano, que recueye les principales propuestes en distintes estayes.

Entrevista a David Fernández candidatu a l'Alcaldía de Sieru

asturieslliberta@hotmail.com (Toño) — Tue, 10 May 2011 14:18:50 GMT

«Es necesario una gestión mixta para el auditorio de la Pola»

David Fernández, de 28 años, es el candidato a la Alcaldía de Siero por Conceyu Abiertu. Es el segundo año consecutivo que se presenta, pero en las anteriores elecciones lo hizo bajo las siglas de Andecha Astur. Fernández es el vicepresidente de la asociación cultural Ruíu Nora y desde los 14 años ha estado vinculado a los movimientos asociativos.

Conceyu Abiertu por Sieru ante la propuesta de grupu mistu del PP

asturieslliberta@hotmail.com (Toño) — Thu, 05 May 2011 13:54:59 GMT

Ante la propuesta fecha pola corporación municipal del PP alrodiu de la creación d'un grupu mistu qu'agrupara nos órganos municipales a los grupos con representación minoritaria, Conceyu Abiertu quier esponer el nuesu refugu ante tal propuesta, que sol nuesu puntu de vista, sólo gueta'l monopoliu municipal de los grandes partíos por aciu'l silenciamientu del restu de grupos. Tou ello topeta cola propuesta de Conceyu Abiertu d'establecer un sistema democráticu de participación ciudadana. Amás, proponemos la creación d'una agrupación que con periocidad mensual, algutine a los grupos políticos ensin
representación nos postreros plenos de cada mes y asina dar voz a la totalidá de los y les sierenses.

Conceyos Abiertos en Sieru y Ribeseya

asturieslliberta@hotmail.com (Toño) — Thu, 07 Apr 2011 12:10:01 GMT

Promotores de Conceyu Abiertu nos conceyos de Sieru y Ribeseya empicipiaron el trabayu de cara a la presentación de plataformes llocales asamblearies de base nos sos respeutivos conceyos.

Los primeros movimientos consistieron en desplicar el proyeutu de Conceyu Abiertu ente los sectores más receptivos de la sociedá, abrir canales de contactu con vecinos y vecines de cara a conformar dende la base una plataforma ciudadana llocal.

CONCEYU ABIERTU POR SIERU

- En Facebook
- sieru@conceyuabiertu.org

CONCEYU ABIERTU POR RIBESEYA

- En Facebook
- ribeseya@conceyuabiertu.org